GAA Nua | Fíbín Media

Breathnaíonn an clár GAA Nua ar bhealach úr ar ár gcluichí ársa. Taistilíonn Dara Ó Cinnéide, captaen buaiteach Chraobh Uile–Éireann mórthimpeall na tíre ag fiosrú mar a ghlacann na cluichí Gaelacha le hathruithe in eolaíocht agus i dteicneolaíocht agus foirne sa tóir ar imirt/cruthú níos fearr. Téann an tsraith ceithre leathuair seo gar don aicsean agus taobh thiar de dhoirse na seomraí feistis go bhfeicfear ar an láthair céard atá nua, céard atá go maith agus b’fhéidir an rud is tábhachtaí fós, céard a mhair le blianta fada. Cén chaoi a meascann córais GPS, staitisticí agus anailísíocht leis na seanghnéithe fuil, allas agus na deora…. ná cailligí amach ar GAA Nua!

GAA Nua is a fresh look at our ancient games. All-Ireland winning captain Dara Ó Cinnéide travels the country to see how Gaelic games have embraced science and technology in the quest for better performance. This four-part series gets close to the action and beyond the dressing room doors to see first hand what’s new, what’s good and perhaps most importantly, what has stood the test of time. How does GPS, statistics and analytics mix with good old fashioned blood, sweat and tears… GAA Nua, not to be missed!

Blaiseadh anseo den tsraith – GAA Nua Promo

Clár a hAon: Buaileann Dara Ó Cinnéide, captaen buaiteach Chraobh Uile–Éireann le bainisteoirí idirchontae, le himreoirí, le saineolaithe agus le foirne cúltaca chun amharc teann a fháil ar an iliomad forbairtí nua san eolaíocht agus sa teicneolaíocht atá ag déanamh a mbealach isteach de réir a chéile i ndomhan an CLG. Tá teacht ag Dara ar sheisiúin thraenála agus ar an aicsean ar lá an chluiche agus tugann sé léargas annamh dúinn ar an eolaíocht, ar anailísí agus ar an GAA nua.

Clár a Dó: Sa dara clár seo, buaileann Dara Ó Cinnéide, captaen buaiteach Chraobh Uile–Éireann le dochtúirí, le fisiteiripeoirí agus na foirne leighis a dhéanann míorúiltí beaga chun imreoirí CLG a fháil ar ais ar a gcosa agus isteach ar an bpáirc imeartha. Ó sheomraí feistis go seomraí obráide máinliachta, tá teacht gan sárú ag GAA Nua ar na deora agus an tráma a théann le gortú tromchúiseach ag an leibhéal is airde.

Clár a Trí: Sa tríú clár, tagann captaen buaiteach Chraobh Uile–Éireann, Dara O’Cinnéide ar ais abhaile agus breathnaíonn sé go géar ar cá seasann clubanna agus scrúdaíonn sé cén tionchar praiticiúil atá ag eolaíocht agus teicneolaíocht, más ann dó, ar an t-aonad is bunúsaí den CLG. Díríonn Dara isteach ar a chlub féin, An Ghaeltacht in Iarthar Chiarraí agus feiceann muid an mórtas agus an paisean dian a bhaineann le bheith ag imirt do do pharóiste. Tugann muid a n-aghaidh ar Leitir Móir i gConamara ansin, áit a bhfeiceann Dara na buntáistí a bhaineann le monatóireacht GPS agus an chaoi a dtéann bailiú sonraí chun tairbhe d’imirt an imreora. Chomh maith leis sin feictear an dath uile a bhaineann le Cluiche Ceannais Chraobh Uile-Éireann na gClub i bPáirc an Chrócaigh, chomh maith leis an dráma agus an scleondar i gcomórtais tríú leibhéil Sigerson agus Fitzgibbon, agus scrúdaítear an baol atá ann go bhfuil imreoirí contae ag déanamh an iomarca. É sin uile ráite, tugann an clár seo deis do Dara léargas iontach a fháil ar an aicsean beo agus corraitheach i gcluichí clubanna agus ollscoileanna agus cead isteach aige ar chuachadh foirne agus é ag dul taobh thiar de dhoirse na seomraí feistis. GAA Nua, ná cailligí amach ar seo.

Clár a Ceathair: Sa chlár deireanach seo, críochnaíonn captaen buaiteach Chraobh Uile–Éireann, Dara Ó Cinnéide a aistear léargasach isteach i ndomhan nua-aimseartha an CLG, trí bhreathnú ar cá seasann ár gcluichí náisiúnta sa lá atá inniu ann agus cén treo a rachaidh siad ann sa todhchaí. I roinnt díopsóireachtaí iomlána agus oscailte le roinnt daoine cáilithe, casann Dara leis na himreoirí, na gealltóirí, na bainisteoirí, na príomhoifigigh feidhmiúcháin agus fiú roinnt boic mhóra gnó ilnáisiúnta agus pléann sé é sin leo chun iarracht a dhéanamh feiceáil, ní hamháin cén treo a bhfuil na cluichí ag dul ach freisin cén treo a bhfuil an taobh gnó den CLG ag dul: tugann Padraig Duffy, Paul Rouse, Jamie Fuller, Donal O’Grady, Joe Brolly… a dtuairimí oscailte agus léargasacha ar na cluichí agus na féidearthachtaí amach anseo sa todhchaí.

Má bhain tú taitneamh as an chéad trí chlár – ná caill amach ar an gceann seo.. Caibidil 4 ‘GAA Nua’ – cé leis an CLG?

Similar Project